Saatlıda piyadanı avtomobil vurdu

Saatlıda avtomobil piyadanı vuraraq ağır yaralayıb.

Ajans.az xəbər verir ki, hadisə Saatlı rayonunun Qaralar kəndində qeydə alınıb.

Minik maşını yolu keçən Qaralar kənd sakini, 1983-cü il təvəllüdlü Qurbanov Elnur Səyyar oğlunu vuraraq ağır yaralıayıb.

Piyada müxtəlif dərəcəli bədən xəsarətləri ilə Şirvan xəstəxanasına yerləşdirilib və əməliyyata götürülüb.

Faktla bağlı araşdırma aparılır.