Süleyman peyğəmbərin təsviri olan boyunbağı tapıldı

Türkiyənin Qarabük bölgəsindəki antik şəhərdə arxeloji qazıntılar zamanı bəzək əşyası tapılıb.

Ajans.az xəbər verir ki, boyunbağı ucluğu kimi istifadə olunan klonun üzərində Süleyman peyğəmbərin at üzərində əlində mizraqla şeytanın üzərinə hücum etməsi təsvir olunub. Arxeoloqlar qeyd ediblər ki, indiyə qədər Anadolu qazıntılarında bu cür tapıntıya rast gəlinməyib. Qeyd edək ki, klonun eradan əvvəl V əsrə aid olduğu bildirilir. Bəzək əşyasının üzərində “Rəbbimiz şərə qalib gəldi” yazısı da əks olunub.