32 yaşlı qadın iş zamanı xəsarət aldı

Mingəçevir Sənaye Parkının əməkdaşı iş başında olarkən xəsarət alıb.

Ajans.az-ın məlumatına görə, hadisə axşam saatlarında tekstil fabrikində baş verib. İlkin məlumata görə, dəzgəhın şlank təyinatlı qurğusu qəfildən məhvərindən çıxaraq  iş başında olan 1993-cü il təvəllüdlü əməkdaş  Məmmədova Xəyalə Ədalət qızının sifətinə çırpılıb və gözünü zədələyib.

Yaralı əməkdaş təcili xəstəxanaya çatdırılıb. Durumu orta ağır olaraq dəyərləndirilir.

Faktla bağlı araşdırma aparılır. (Unikal)