Dəhşətli qəza- ANAMA əməkdaşı ÖLDÜ

Ötən gün səhər saatlarında Beyləqanda nişan mərasimindən qayıdan şəxslər avtomobil qəzasına düşüblər.

Ajans.az xəbər verir ki, qəza zamanı 1996-cı il təvəllüdlü Həşimov Elvin Bariz oğlu, onun qardaşı - 1999-cu il təvəllüdlü Həşimov Ülvi Bariz oğlu və 1999-cu il təvəllüdlü Səfərov Məhərrəm Elman oğlu ağır xəsarətlər alıblar.

Yaralılar Beyləqan Rayon Mərkəzi Xəstəxanasına çatdırılıb. Həkimlərin səylərinə baxmayaraq 29 yaşlı Elvin Həşimov xəstəxanada vəfat edib.

Qeyd edək ki, qəza zamanı xəsarət alanlar Azərbaycan Respublikası Minatəmizləmə Agentliyinin (ANAMA) əməkdaşlarıdır.