Gəncədəki partlayışda iki nəfər xəsarət alıb – YENİLƏNİB

Gəncədə partlayış nəticəsində ağır xəsarət alan şəxs Bakıya gətirilir.

Ajans.az  “Report”a istinadən bildirir ki, İsaq Cəfərov küçəsində yerləşən yaşayış binasında qeydə alınan partlayış nəticəsində ağır xəsarət alan 1989-cu il təvəllüdlü Elnur Qurbanov Bakı şəhərində yerləşən xəstəxanalardan birinə aparılır.

Onun vəziyyəti ağır qiymətləndirilir.

Xatırladaq ki, təmir işi görülən mənzildə başvermiş partlayış nəticəsində usta çalışan E.Qurbanov ağır xəsarətlər alıb. Faktla bağlı araşdırma aparılır.