“Fənərbaxça” Joze Mourinyonu baş məşqçi postundan uzaqlaşdırdı

Türkiyənin “Fənərbaxça” futbol klubu baş məşqçi Joze Mourinyo ilə yollarını ayırıb.

Ajans.az İstanbul təmsilçisinin rəsmi saytına istinadən xəbər verir.

Açıqlamada qərarın səbəbləri göstərilməyib: “Komandamıza verdiyi töhfəyə görə Joze Mourinyoya təşəkkür edir, ona gələcək karyerasında uğurlar arzulayırıq”, – deyə klub bildirib.

Xatırladaq ki, “Fənərbaxça” bu mövsüm Çempionlar Liqasının əsas mərhələsinə yüksələ bilməyib. Komanda pley-off mərhələsində Portuqaliyanın **“Benfika”**sına məğlub olub.

Mourinyo 2024-cü ilin iyununda “Fənərbaxça”ya baş məşqçi təyin olunmuşdu. Onun rəhbərliyi altında komanda ötən mövsüm Türkiyə Superliqasının gümüş mükafatçısı olub.