Rusiya SOCAR-ın Odessadakı neft bazasına HÜCUM ETDİ
Avqustun 8-nə keçən gecə Rusiya SOCAR-ın Odessa vilayətindəki neft bazasına hücum etmək üçün “Shahed” pilotsuz təyyarələrindən istifadə edib, 4 nəfər yaralanıb.
Ajans.az odessa.online.ru-ya istinadən xəbər verir ki, bu barədə Ukraynaya hüquq-mühafizə orqanları tərəfindən məlumat verilib.
Hücum yanğına səbəb olub və dizel yanacağı boru kəmərinə ziyan vurub.
Mənbələrin məlumatına görə, yanğın tez bir zamanda lokallaşdırılıb.
Zərbə nəticəsində dörd əməkdaş ağır yaralanıb və onlara təcili tibbi yardım göstərilib.
Hazırda dəymiş ziyanın həcmi müəyyənləşdirilir. Təcili bərpa işləri aparılır.
Mövzular:
Digər Xəbərlər
