Göygöldə restoranda iki yeniyetmə döyüldü

22.07.2025-ci il tarixində saat 03:10 radələrində 2 nəfər (kişi cinsli) Gəncə Şəhər Birləşmiş Xəstəxanasının nəzdində olan akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

Ajans.az xəbər verir ki, bu barədə TƏBİB məlumat yayıb.

Bildirilib ki, onlara başın səthi travması, beldən aşağı hissənin və çanağın əzilməsi diaqnozları təyin olunub. Pasiyentlərə zəruri tibbi xidmətlər göstərilib. Vəziyyətləri stabil olan şəxslər ambulator müalicə üçün evə buraxılıblar.