Gəncədə iki maşın toqquşdu: xəsarət alan var

Gəncədə yol-nəqliyyat hadisəsi baş verib.

Ajans.az APA-ya istinadən xəbər verir ki, hadisə şəhərin Səbuhi Əliyev küçəsində qeydə alınıb. Hərəkətdə olan “Prius” markalı minik maşını ilə “QAZel” markalı yük maşını toqquşub. Qəzada 1 nəfər xəsarət alaraq xəstəxanaya yerləşdirilib. Hər iki maşına ziyan dəyib. Hadisə yerinə DYP əməkdaşları cəlb olunub.

Faktla bağlı araşdırma aparılır.