Azərbaycan məhsulları artıq Rusiyaya SATILMAYACAQ?

"Nə Rusiya, nə də Azərbaycan obyektiv olaraq münasibətlərin korlanmasını istəmir".

Ajans.az xəbər verir ki, bunu Lenta.ru-ya Plexanov adına Rusiya İqtisad Universitetinin dosenti, Sosial-Siyasi Araşdırmalar Mərkəzinin direktoru Yuliya Davydova deyib.

O qeyd edib ki, hazırda Rusiya ilə Azərbaycan bir sıra sahələrdə əməkdaşlıq edir. Rusiya şirkətləri bu Zaqafqaziya respublikasının bank sektoruna, telekommunikasiya, ticarət və daşınmaz əmlaka sərmayə qoyurlar. Rusiya, Azərbaycan və İranı birləşdirən Şimal-Cənub dəhlizi , Mozdok-Mahaçqala-Kazi-Maqomed qaz kəməri kimi birgə layihələr var. İT və infrastruktur sektorlarında birgə müəssisələr də var.

Azərbaycan Rusiyaya əsasən kənd təsərrüfatı məhsulları ixrac edir. Bunlar təzə tərəvəzlər, meyvələr və giləmeyvədir. Bu təchizatlar xüsusilə soyuq mövsümdə aktuallaşır.

"Azərbaycan pomidoru və ya narı olmasa da, bizi narahat etsə də, onları Özbəkistan və ya Türkiyədən tədarüklə əvəz etmək  mümkündür. Rusiya da Azərbaycandan yüngül sənaye məhsulları, tikinti materialları, tekstil və avadanlıq alır", - Davydova qeyd edib.