Moskvanın ən böyük bazarı üzərində AZƏRBAYCAN BAYRAĞI DALĞALANIB?

İnternetdə Moskvanın “Sadovod” bazarının üzərində Azərbaycan bayrağının fotosu yayılıb.

Ajans.az xəbər verir ki, internetdə Moskvanın ən böyük bazarı üzərində qaldırılmış Azərbaycan bayrağının fotosu yayılıb. Foto bir sıra Telegram kanalları tərəfindən yerləşdirilib, onlardan biri də "Zlawers Russian Lawyers"dir.

Burada “Sadovod” bazarı üzərində dalğalanan Azərbaycan bayrağı təsvir edilib.

İyulun 2-də səhər saatlarında Tsarqrad telekanalı vəziyyətə aydınlıq gətirib. Məlumata görə , foto saxtadır və Sadovod üzərində heç bir xarici bayraq qaldırılmayıb. Bu barədə bazarın mühafizəçisi məlumat verib.

Bazar üzərində bayraqla bağlı nəşr Azərbaycan diasporunun nümayəndələrinin həbsi ilə əlaqədar Moskva və Bakı arasında artan gərginlik fonunda ortaya çıxıb . Az sonra Azərbaycanda rusiyalı jurnalistlər saxlanılıb və həbs edilib. Rusiya artıq Zaqafqaziya respublikası ilə ticarət əlaqələrinin mümkün ixtisarından danışıb.