Ajans.az xəbər verir ki, yol-nəqliyyat hadisəsi rayonun Şərq qəsəbəsi adlanan ərazidə baş verib.

Hərəkətdə olan "MAN" markalı yük maşını "Nissan" markalı minik maşını ilə toqquşub.

01.07.2025-ci il saat 18:00 radələrində Beyləqan rayonunda baş vermiş yol-nəqliyyat hadisəsi nəticəsində 2 nəfər (kişi cinsli) Beyləqan Rayon Mərkəzi Xəstəxanasına hospitalizasiya olunub.

1978-ci il təvəllüdlü şəxsə bədənin müxtəlif nahiyələrinin sıyrıqları, 1989-cu il təvəllüdlü şəxsə isə sağ dizin açıq yarası, sol dizin sınığı, bədənin müxtəfil nahiyələrinin sıyrılmış yaraları diaqnozu təyin edilib.

Nəticədə minik maşınında olanlar 1977-ci il təvəllüdlü Abdullayev İlham və 1989-cu il təvəllüdlü Umudzadə Rəşail müxtəlif dərəcəli xəsarət alaraq Beyləqan Mərkəzi Rayon Xəstəxanasına çatdırılıblar.

"1978-ci il təvəllüdlü şəxsə zəruri tibbi xidmət göstərildikdən sonra ambulator müalicə üçün evə buraxılıb.

1989-cu il təvəllüdlü şəxs isə ixtisaslı tibbi müayinə olunması üçün İmişli Rayon Mərkəzi Xəstəxanasına təxliyə olunub", - deyə məlumatda bildirilib.

Faktla bağlı araşdırma aparılır.