Eldar Əzizov: “Olmamalıydı, amma oldu..”
Bakı Şəhər İcra Hakimiyyətinin başçısı Eldar Əzizov Cəfər Cabbarlı adına kinostudiyanın həyətində baş verən partlayışla bağlı hadisə yerinə gəlib.
Ajans.az xəbər verir ki, əraziyə baxış keçirən icra başçısı vəziyyətlə yerində tanış olub və aidiyyəti qurumların nümayəndələri ilə müzakirələr aparıb və operativ tədbirlərin görülməsi üçün göstərişlər verib.
Hadisənin səbəbi ilə bağlı jurnalistlərin suallarını cavablandıran Eldar Əzizov İctimai Televiziyaya açıqlamasında bildirib ki, partlayışın nədən baş verdiyini demək hələ mümkün deyil.
“Hadisə yerində Fövqəladə Hallar Nazirliyinin ekspertləri işləyirlər. Yəqin, səhərə yaxın nəsə biləcəyik. Hər halda olmamalı idi, amma olub”, – deyə Əzizov qeyd edib.
Qeyd edək ki, Fövqəladə Hallar Nazirliyi yanğının artıq söndürüldüyünü, Daxili İşlər Nazirliyi isə xəsarət alan vətəndaşın olmadığını açıqlayıb.
Bu gönderiyi Instagram'da gör
Digər Xəbərlər
