Netanyahu ABŞ-ni İranla müharibəyə sövq etməyə ÇALIŞIR?

Milli İran-Amerika Şurasının prezidenti Camal Abdiyə görə, İsrailin baş naziri Benyamin Netanyahu ABŞ prezidenti Donald Trampı aldadır və ABŞ-ni İranla genişmiqyaslı müharibəyə məcbur edir. Bu barədə Əl-Cəzirə xəbər verir.

Ajans.az xəbər verir ki, nəşrin qeyd etdiyi kimi, ABŞ prezidentinin İsrail və İran arasında münaqişəyə girmək barədə mövqeyində dəyişikliklər bəzi analitiklərin Trampın dəqiq strategiyası və ya “son oyunu” olmaya biləcəyini düşünməsinə səbəb olub.

Ekspertin fikrincə, Trampın son açıqlamalarının mümkün izahı: “Netanyahu onu aldadır, ABŞ-ni İranla genişmiqyaslı müharibəyə getməyə məcbur edir”.

Amerika liderinin bu cür davranışının başqa bir izahı budur ki, Tramp İranı “tam təslim olmaq” tələblərini qəbul etməyə məcbur etmək üçün güclə hədələməklə öz təsirini artırmağa çalışır.

“Düşünürəm ki, o, özünü gözlənilməz bir dəli kimi göstərməyə çalışır və bu yolla o, İranın onilliklər ərzində qəbul etməkdən imtina etdiyi çox sərt xətt üzərində israr edə bilər ki, bu da onun zənginləşdirmə proqramını tamamilə sıradan çıxarır.

Bundan əvvəl Ağ Ev Trampın iki həftə ərzində İrana qarşı zərbələr barədə qərar verəcəyini bildirmişdi. Qeyd olunur ki, Amerika lideri bu qərarını İranla ciddi danışıqlar ehtimalının olması ilə izah edib.