Hindistanda qəzaya uğrayan təyyarənin sərnişinlərinin SİYAHISI AÇIQLANDI

İnternetdə Hindistanda qəzaya uğrayan Boeing 787-8 Dreamliner təyyarəsində olan sərnişinlərin siyahıları yayılıb.

Ajans.az xəbər verir ki, onlar “Diqqət, xəbərlər” “Telegram” kanalı tərəfindən dərc edilib.

Siyahılara görə, qəzaya uğrayan təyyarənin göyərtəsində olanların əksəriyyəti Hindistan və Böyük Britaniya vətəndaşları olub. Təyyarənin göyərtəsində Portuqaliya və Kanada sakinləri də olub.

Air India şirkətinə məxsus təyyarə iyunun 12-də Meqaninaqar yaşayış massivində qəzaya uğrayıb. Ehtimal olunur ki, təyyarə Əhmədabaddan, Qucaratdan Londona uçarkən hündür ağaca dəyib və qəzaya uğrayıb. Qəzadan bir neçə dəqiqə əvvəl qəza siqnalı göndərmişdi, lakin artıq gec idi. İlkin məlumata görə, onlarla insan qəzadan sağ çıxa bilməyib.