"Whatsapp"da yeni funksiya yaranacaq: Artıq QR kodlarla... - FOTO

“WhatsApp” messenceri kanalların tapılmasını asanlaşdırmaq üçün funksiya hazırlayır.

Ajans.az xəbər verir ki, “Whatsapp” yeni kanala qoşulmaq üçün QR kodları skan etməyə imkan verəcək. Funksiya hazırda sınaq mərhələsindədir.

“WABetaInfo” yeni funksiyanı “Android 2.24.22.20” üçün “WhatsApp”ın ən son beta versiyasında aşkar edib, lakin bu, hələ beta testçiləri üçün əlçatan deyil. Mesajda link göndərmək əvəzinə, QR kodu skan etmək və kanala qoşulmaq mümkün olacaq

“WhatsApp” kanallarının adminləri QR kodlarından reklam üçün istifadə edə biləcəklər, məsələn, onları tədbirlərdə və görüşlərdə nümayiş etdirmək əlçatan olacaq. Onlar həmçinin məhsul qutularında çap oluna və ya mağaza piştaxtalarına yerləşdirilə bilər.