Azərbaycan millisi Macarıstan seçməsi ilə final oyununa çıxır

Bu gün minifutbol üzrə Azərbaycan millisi Bakıda keçirilən dünya çempionatında final oyununa çıxacaq.

Ajans.az xəbər verir ki, Elşad Quliyevin çalışdırdığı kollektiv həlledici görüşdə Macarıstan yığması ilə qarşılaşacaq.

Milli Gimnastika Arenasında keçiriləcək matç 20:00-da başlayacaq.

Təmsilçimiz finala Monteneqronu 2:1 hesabı ilə yenərək yüksəlibsə, macarlar yarımfinalda Serbiyanı üstələyiblər. Serbiya və Monteneqro 18:00-da 3-cü yerin sahibini müəyyənləşdirəcəklər.