Sevgilisini öldürdü, məktubda isə... - TƏFƏRRÜATLAR

Adanada 23 yaşlı sevgilisi Şevval Çiftçini evinə çağırdıqdan sonra onu bıçaqlayaraq öldürən, daha sonra 12-ci mərtəbədən atlayaraq həyatına son qoyan Engin Yücenin intihar qeydinin məzmunu üzə çıxıb.

"Ajans.az" xəbər verir ki, Yücenin "Anam və bacım mənə oyun oynayır. Anam mənə qarşı plan qurub. Dəli olmaq üzrəyəm. Həm anamı, həm də özümü öldürə bilərəm" sözlərini yazdığı məlum olub.

Çukurova rayonu Huzurevləri məhəlləsində 14 mərtəbəli binanın 12-ci mərtəbəsindəki mənzildə yaşayan Engin Yüce evinə dəvət etdiyi sevgilisi Şevval Çiftçi ilə mübahisə etdikdən sonra onu boynundan, qarnından və ayaqlarından bıçaqlayıb. Şevval qan içində yerə yıxılarkən, Yüce yemək masasının üzərinə 6 səhifəlik intihar məktubu yazıb və özünü evin pəncərəsindən atıb. Ətrafdakı insanların xəbəri üzərinə polis və tibb qrupları ünvana göndərilib. Qruplar Engin Yüceni yaşayış binasının avtoparkında, Şevval Çiftçi isə evdə ölü tapıb.

Hadisə yerində aparılan araşdırmalardan sonra Çiftçi və Yücenin cəsədləri yarılma üçün Adana Ədliyyə Tibb Təşkilatı meyitxanasına aparılıb. Şevval Çiftçinin yaslı anası Sibel və atası Təyyar Çiftçi də Ədliyyə Tibb Qurumuna gedib. Burada ana "Uşağım getdi, getdi. Quzuma, könlümə çata bilmədim. Məni heç düşünmədinmi, könlüm, "Gəl” deyəndə eşitmədimmi? Ürəyim, nə qədər əziyyət çəkdin, ürəyim. Qızımı gətir, çox darıxdım” deyib göz yaşı tökdü.