Gürcüstanda seçki komissiyasının əməkdaşı qəfl öldü

Gürcüstanda seçki komissiyasının əməkdaşı Potidə öz xidməti vəzifələrini yerinə yetirərkən dünyasını dəyişib.

Ajans.az "NewsGeorgia"ya istinadən xəbər verir ki, hadisə 15 saylı seçki məntəqəsində baş verib.

Komissiyanın 45 yaşlı üzvü Nikoloz Lomidzenin səhhəti pisləşib. Kişi xəstəxanaya yerləşdirilsə də, onu xilas etmək mümkün olmayıb.

Gürcüstan Mərkəzi Seçki Komissiyası mərhumun ailəsinə və yaxınlarına başsağlığı verib.

Qeyd edək ki, bu gün Gürcüstanda parlament seçkiləri keçirilir.