Braziliya Prezidenti İlham Əliyevə başsağlığı verdi

Braziliya Prezidenti Luiz İnasio Lula da Silva Azərbaycan Prezidenti İlham Əliyevə başsağlığı məktubu ünvanlayıb.

Ajans.az xəbər verir ki, mətndə deyilir:

"Cənab Prezident.

"Azərbaycan Hava Yolları"na məxsus təyyarənin dekabrın 25-də faciəvi şəkildə qəzaya uğraması və 38 nəfərin ölümü, 29 nəfərin yaralanması ilə bağlı xəbəri dərin kədər hissi ilə qarşıladım.

Zati-alinizə, həlak olanların ailələrinə və Azərbaycan xalqına dərin hüznlə başsağlığı verirəm.

Fürsətdən istifadə edərək Zati-alinizə ən yüksək hörmət və ehtiramımı bildirirəm".