Kişi dəfn mərasimi zamanı dirildi - ŞOK
Dominikan Respublikasında dəfn mərasiminə dəvət edilən qonaqlar mərhumun gözlərini qırpdığını görüblər.
Ajans.az xəbər verir ki, bu barədə Daily Mail məlumat verib.
Vida mərasimi zamanı mərhumun yaxınları tabutda yatan mərhumun bir neçə dəfə gözlərini açdığını görüblər. Heyrətə düşən qonaqlar qəribə hadisəni lentə almaq üçün smartfonlarını çıxarıblar. Orada olan qadınlardan biri ehtimal edib ki, əslində kişi sağdır və özünə gəlir. Digər yaxınları onu xəstəxanaya çatdırmaq üçün təcili yardım çağırmağı təklif ediblər.
Video internetə düşəndə bəzi istifadəçilər adamın gözlərinin hərəkətinin sadəcə optik illüziya olduğunu, bunun mərhumun tam bağlanmamış gözlərində əks olunan parıltının nəticəsi olduğunu irəli sürüb. Digərləri göz qapaqlarının hərəkətini toxuma və əzələlərdə ölümdən sonra baş verən dəyişikliklərin xarici təzahürü hesab ediblər. Dəfn iştirakçılarının kömək üçün həkimlərə müraciət edib-etmədiyi məlum deyil.
