Hacıqabulda qazi özünü YANDIRDI - FOTO
Ötən gün Hacıqabul rayonunda Qarabağ qazisi, III qrup əlil Nəzərov Mərahim Agakərim oglu özünü yandırıb.
Ajans.az verir ki, bu barədə “Qarabağ qaziləri” ictimai birliyinin sədri Rey Kərimoğlu Feysbuk hesabında paylaşım edib.
R. Kərimoğlu bildirib ki, hadisə Hacıqabul Rayon Mərkəzi Xəstəxanasında baş verib. İctimai birlik sədri qazinin ciddi müalicəyə və əməliyyata ehtiyacı olduğunu vurğulayıb. O qeyd edib ki, qazi MRT müayinəsi üçün Bakıya gətirilib. Onun sözlərinə görə, M. Nəzərovun özünü yandırmasına xəstəxanada diqqətsizlik görməsi səbəb olub.
