Çarpayı iki uşaq anasının həyatına SON QOYDU
İngiltərədə sınıq çarpayı qadının həyatına son qoyub.
Ajans.az xəbər verir ki, bu barədə “Daily Mail” yazır.
39 yaşlı Helen Deyvi çarpayısının altındakı saxlama yerindən paltar götürərkən ölümcül qəza baş verib. Yatağın üst hissəsini qaldıran iki qaz qaldırıcı mexanizmdən biri xarab olub. Nəticədə metal çərçivə ağır döşəklə birlikdə qadının üzərinə çökərək onu boyun nahiyəsində əzib. Görünür, Deyvi çölə çıxmağa çalışsa da, kəskin zərbədən sonra özünü azad etmək üçün döşəyi qaldıra bilməyib və boğulub.
Onu qızı Elizabet tapıb. O, anasının yataq otağına qalxıb və görüb ki, o, arxası üstə uzanıb, başı döşəklə çarpayının altlığı arasındadır. Qız çətinliklə yuxarı hissəni qaldıraraq anasını çıxarıb. Üzü mavi rəng olub və boynunda metal çərçivədən olan çuxur görünüb. Elizabet anasına süni tənəffüs və ilkin tibbi yardım verməyə çalışsa da, bu kömək etməyib. Zərbə və sonrakı asfiksiya Deyvin həyatına son qoyub. Onun iki övladı olub.
Daveyin cəsədini yoxlayan koroner Ceremi Çipperfild Böyük Britaniyanın biznes katibi Conatan Reynoldsa məktub yazıb. O, tədbir görülmədikcə belə halların təkrarlanma riskinin olduğunu ona deyib.
