Bəy ondan "şirinlik" istəyən şəxsi döydü

Bəy-gəlin

Hadisə 19-11-2024 - 10:57

Adanada bəy gəlin maşınının kapotuna çıxaraq pul almaq üçün hərəkətdə olan avtomobildən yapışan şəxsi döyüb.

Ajans.az xəbər verir ki, hadisə Adana mərkəzi Yüreğir rayonunda Karataş Bulvarı Tənzimləmə Körpüsü qovşağında baş verib.

Bulvarda dəsmal satdığı deyilən şəxsin işıqforun qırmızı işığında keçən gəlin maşınından pul tələb etdiyi iddia edilir. Yaşıl işıq yandırıldıqdan sonra həmin şəxs hərəkətdə olan gəlin maşınının kapotuna çıxıb və nəqliyyat vasitəsindən yapışaraq pul tələb etməyə davam edib.

Bəy maşından düşərək pul istəyən şəxsi təpik və yumruqlarla döyməyə başlayıb. Gəlin karvanında başqa maşınlardan düşən bəyin yaxınları da pul istəyən şəxsi döyüblər.

Bu anlar tıxacda olan digər vətəndaş tərəfindən mobil telefon kamerası ilə anbaan lentə alınıb.