Arda fanatlarına şad xəbər - Ançelotti açıqladı
La Liqanın 30-cu turunda "Real Madrid" doğma meydanda "Valensiya"nı qəbul edəcək. Qarşılaşmadan əvvəl bənövşəyi-ağların çalışdırıcısı Karlo Ançelotti açıqlama verib.
Ajans.az bildirir ki, italyan məşqçi Arda Gülər və Endriklə bağlı diqqətçəkən ifadələr işlədib. İspaniya Kral Kubokunun yarımfinal matçında "Real Sosyedad"la qarşılaşmada qol ötürməsi edən Arda Gülər haqqında qiymətləndirmə edən Ançelotti türk futbolçuya daha çox şans verməyi düşünür:
"Arda Gülər və Endrik çox yaxşı oynayırlar. Onlar "Valensiya"ya qarşı oynaya bilərlər. Onlar mövsümün sonuna doğru mühüm rol oynaya bilərlər".
Arda Gülər bu mövsüm Real Madriddə 32 matçda forma geyinib. 20 yaşlı futbolçu bu matçlarda 3 qol və 7 məhsuldar ötürmə ilə çıxış edib.
