3 avtomobil toqquşdu: 3 ÖLÜ, 18 YARALI - VİDEO
Hadisə
06-01-2025 - 11:25
Kırşehirdə qatı duman səbəbindən fəhlələrə məxsus servis iki avtomobillə toqquşub.
Ajans.az xəbər verir ki, qəzada 3 nəfər ölüb, 18 nəfər yaralanıb. Hadisə yerinə jandarma və sağlamlıq qrupları sövq edilib.
Əldə edilən məlumata görə, Savcılı yolunda həddindən artıq duman səbəbindən pomidor istixanasına gedən xidməti avtomobillə iki avtomobil toqquşub.
Yaralılara ilkin tibbi yardım göstərildikdən sonra onlar təcili tibbi yardım maşını ilə ətraf xəstəxanalara çatdırılıb və onlara tibbi yardım göstərilib. Hadisə yerində qrupların işi davam edir.
Şahanə Paşazadə
Vəzifəsi: Müxbir
