Veteranın ikimərtəbəli evi külə döndü- FOTO
Hadisə
07-04-2025 - 13:44
Biləsuvarın Günəşli kəndində ikimərtəbəli ev yanıb.
Ajans.az xəbər verir ki, “Qafqazinfo”nun məlumatına görə, yanğına səbəb qısaqapanma olub.
Nəticədə I Qarabağ müharibəsi veteranı Tağı Qasımova məxsus ikimərtəbəli, 6 otaqlı ev külə dönüb.
Yanğınsöndürənlərin səyi nəticəsində alovun ətraf ərazilərə keçməsinin qarşısı alınıb.
Ev sahibi T. Qasımovun həyat yoldaşı Ruhəngiz Qasımova bildirib ki, hadisə zamanı evdə heç kəs olmayıb: “İşdə olarkən zəng edib xəbər verdilər ki, eviniz yanır. Mənzildən heç nə çıxarmaq mümkün olmadı, bütün sənədlər və əşyalar hamısı kül oldu. Yoldaşım veterandır, oğlum isə 3 aydan sonra hərbi xidmətə yollanacaq. Qalmağa yerimiz yoxdur, istərdik bizə kömək olunsun”.
Nəzrin Vüqarqızı
Vəzifəsi: Müxbir
