Xaçmazda ağaclar məhv edildi: ARAŞDIRMA BAŞLADI

Xaçmaz rayonunun Nərəcan kəndi ərazisində təbiətə vurulan zərərlə bağlı araşdırmalara başlanılıb.

Bu barədə Ajans.az-a DİN-in Mətbuat Xidmətinin Quba regional qrupundan məlumat verilib.

Bildirilib ki, Xaçmaz rayonunun Nərəcan kəndi ərazisində ağac kəsmə faktı ilə bağlı Rayon Polis Şöbəsində prosessual araşdırmalar aparılır. Araşdırmanın nəticəsindən asılı olaraq əmələ hüquqi qiymət veriləcək.

Qeyd edək ki, sosial şəbəkələrdə Xaçmaz rayonunun Nərəcan kəndi ərazisində meşəlik ərazidə ağacların qanunsuz kəsilməsi ilə bağlı məlumatlar yayılıb.