“Arsenal” uduzdu, “Liverpul” əlavə vaxtda qələbəni əldən verdi

Futbol üzrə İngiltərə Premyer Liqasında XV tura start verilib.

Ajans.az  xəbər verir ki, ilk oyun günündə 7 qarşılaşma keçirilib.

Lider “Arsenal” səfərdə “Aston Villa”ya 1:2 hesabı ilə uduzub. İkinci pillədə qərarlaşan “Mançester Siti” öz meydanında “Sanderlend”in qapısından 3 cavabsız qol keçirib. “Çelsi” – “Bornmut” görüşündə qapılara qol vurulmayıb.

Günün son matçında bu mövsüm qeyri-sabit çıxışı ilə diqqət çəkən “Liverpul” “Lids”in qonağı olub. Mersisayd klubu hesabda öndə olmasına baxmayaraq, əlavə vaxtda qələbəni əldən verib - 3:3.

Digər oyunlarda aşağıdakı nəticələr qeydə alınıb:

“Everton” – “Nottingem” - 3:0

“Nyukasl” – “Börnli” - 2:1

“Tottenhem” – “Brentford” - 2:0

Qeyd edək ki, turun digər oyunları dekabrın 7-də və 9-da keçiriləcək.