Ata 3 uşağını da ölü tapdı - Baş şübhəli ANADIR

Fransalı ata üç uşağını evdə bıçaqlanaraq öldürülmüş halda tapıb.

Ajans.az xəbər verir ki, hələ adı açıqlanmayan ata 11 yaşlı iki oğlan uşağı və 13 yaşlı qızını Fransanın İsveçrə ilə sərhədi yaxınlığındakı xizək qəsəbəsi Taningesdəki evlərində ölü tapıb. Depressiyadan əziyyət çəkdiyi bildirilən 45 yaşlı ana hazırda itkin düşüb və o, uşaqların faciəli ölümlərində əsas şübhəli sayılır.

Fransanın “Le Dauphiné Libéré” qəzetinin yazdığına görə, o, bir məktub qoyub, sonra dağlara doğru gedib. Məktubda nə dediyi hələlik məlum deyil. Hazırda polislər ailənin qohumlarını dindirir. İstintaq Bonneville Respublika Prokurorluğuna təhvil verilib.

Qətlin əsas şübhəlisi olan uşaqların anası həyəcan siqnalı verildikdən sonra iki polis məmuru tərəfindən çılpaq və küçələrdə gəzərkən tapılıb. Qırx yaşlarında olduğu güman edilən qadın qeyri-sabit danışıb və polisə yaxınlaşdıqda hərəkətinin səbəblərini izah edə bilməyib. Dövlət ittihamçısı Karolin Talbonun sözlərinə görə, qadın əvvəlcə nəzarətə götürülüb, sonra psixi vəziyyətinə görə buraxılıb və o vaxtdan xəstəxanaya yerləşdirilib.

(Fotoda: 13 noyabr 2024-cü ildə Taningesdə üç uşağın ölü tapıldığı ev)