Vətəndaşları təhqir edən məmur İCRA BAŞÇISININ MÜAVİNİNİN QARDAŞIDIR?

Ötən dəfə xəbər vermişdik ki, Quba rayon İcra Hakimiyyəti başçısı İlqar Mahmudov rayonun Xucbala İnzibati Ərazi Dairəsi üzrə nümayəndəsinin müavini Rauf Adil oğlu Şıxməmmədovu tutduğu vəzifədən azad edib.

Ajans.az-ın əldə etdiyi məlumata görə,  Rauf Şıxməmmədov Səbail rayonu icra hakimiyyəti başçısının müavini olan Vüqar Şıxməmmədovun qardaşı olması ilə xəbərlər yayılıb. Digər mənbələr isə, onların doğma qardaş deyil, yaxın qohum olduqlarını iddia ediblər. 

Məsələ ilə bağlı, Vüqar Şıxməmmədovla əlaqə saxlamağa çalışdıq. Lakin, zənglərimizə cavab verilmədi.