Qərb bölgəsində küləkli hava şəraiti ilə bağlı...
Qərb bölgəsində müşahidə olunan küləkli hava şəraiti nəticəsində elektrik enerjisinin verilişində yaranan fasilə bərpa olunub.
Ajans.az xəbər verir ki, Qazaxın rayon mərkəzinin bir neçə küçəsində və 6 yaşayış məntəqəsində yaranan fasilə bərpa edilib.
Ağstafa rayonunda isə mərkəzi küçələrlə yanaşı 3 yaşayış məntəqəsi, eləcə də ən böyük kəndlərindən biri olan Dağkəsəmən kəndində elektrik enerjisinin verilişi tam bərpa olunub.
Məlumat üçün bildirək ki, ölkənin qərb bölgəsində küləkli hava şəraiti davam edir. Əsən güclü küləyin təsiri nisbətən azalıb.
20:59
Qazax, Ağstafa və Tovuzda küləkli hava şəraiti müşahidə olunur, elektrik enerjisinin verilişində fasilələr yaranıb.
Ajans.az xəbər verir ki, güclü külək səbəbindən Qazax rayonunun mərkəzində və bir sıra kəndlərində elektrik enerjisinin verlişində fasilələr yaranıb.
Ağstafa və Tovuz rayonunda da küləkli hava şəraiti müşahidə olunub. Qeyri-sabit hava şəraiti nəticəsində Ağstafa rayonunda elektrik enerjisinin verilişində qısa fasilələr olub.
Qeyd edək ki, adı çəkilən rayonlarda küləkli hava şəraiti davam edir.
Digər Xəbərlər
