Ukrayna Rusiyaya Pua atıb- həlak olanlar var

Ukraynanın həyata keçirdiyi pilotsuz uçuş aparatı (PUA) hücumu nəticəsində Mərkəzi Rusiyanın bir bölgəsində üç nəfər həyatını itirib

Ajans.az bbc.com-a istinadən xəbər verir ki,  hücumun hədəfi mülki ərazi olub və bir neçə bina zədələnib. Hadisə ilə bağlı araşdırma başladılıb və Rusiya Müdafiə Nazirliyi əlavə təhlükəsizlik tədbirlərinin görüləcəyini bildirib.

Ukrayna tərəfi hələlik hücumla bağlı rəsmi açıqlama verməyib. Bu, son günlərdə artan qarşılıqlı hücumlar fonunda baş verən növbəti insident kimi qiymətləndirilir.

Qeyd edək ki, Rusiya-Ukrayna müharibəsində dronlardan istifadə son aylarda intensivləşib və həm hərbi, həm də mülki hədəflər vurulmağa davam edir.