Rusiyada OMON azərbaycanlıları evində ÖLDÜRDÜ

Bu gün Rusiyanın Yekaterenburq şəhərində azərbaycanlı Ziyəddin Mehdi oğlu Səfərov döyülərək öldürülüb.

Ajans.az Teleqraf-a istinadən xəbər verir ki, bu barədə onun yaxınları məlumat verib.

Bildirilir ki, OMON (xüsusi təyinatlı milis dəstəsi - red.) üzvləri azərbaycanlıların evinə basqın edib.

Z.Səfərovla yanaşı qardaşının da öldürüldüyü bildirilir.

Qeyd edək ki, öldürülən azərbaycanlılar tanınmış ədəbiyyatşünas Seyfəddin Hüseynlinin qardaşlarıdır.

Seyfəddin Hüseynli Azərbaycan Yazıçılar Birliyinin "Dünya ədəbiyyatı" dərgisinin baş redaktoru, "525-ci qəzet"in ədəbiyyat, mədəniyyət və təhsil sahələri üzrə baş redaktor müavinidir.