Ajans.az xəbər verir ki, Cəlilabad rayon Günəşli kənd sakini, 1984-cü il təvəllüdlü Tofiq Allaverən oğlu Əliyev Biləsuvar rayonunun Ovçubərə kəndində yerləşən maldarlıq obasında bədbəxt hadisə nəticəsində dünyasını dəyişib.

İlkin məlumata görə, o, ata mindiyi zaman yıxılıb və ayağı üzəngidə ilişib. Nəticədə at onu bir müddət sürüyüb. T. Əliyev aldığı xəsarətlərdən hadisə yerində ölüb. Mərhumun meyiti aidiyyəti üzrə təhvil verilib.

Faktla bağlı araşdırma aparılır.