Sumqayıtda partlayış - Xəsarət alan var

Sumqayıtda emalatxanada partlayış baş verib.

Ajans.az xəbər verir ki, hadisə İnşaatçılar yaşayış massivində yerləşən metaləritmə emalatxanasında qeydə alınıb. Belə ki, sobanın partlaması nəticəsində partlayış baş verib.

Partlayış nəticəsində həmin emalatxanada fəhlə işləyən 1997-ci il təvəllüdlü Ağasəlim Abduləli oğlu Cəlilov xəsarət alaraq xəstəxanaya yerləşdirilib.

Faktla bağlı araşdırma aparılır.