DƏHŞƏT: 5-ci sinif şagirdi müəllimini çəkiclə yaraladı - BU ÖLKƏDƏ

Moskva vilayətinin Lyubertsı şəhərində müstəntiqlər 13 yaşlı 5-ci sinif şagirdinin çəkiclə müəllimə hücumundan sonra cinayət işi açıb.

Ajans.az xəbər verir ki, bu barədə Rusiya İstintaq Komitəsinin (İK) regional idarəsi məlumat verib.

İş Rusiya Federasiyası Cinayət Məcəlləsinin 293-cü maddəsi (“Səhlənkarlıq”) ilə açılıb. Məktəbli hələ cinayət məsuliyyəti yaşına çatmadığından profilaktik qeydiyyata alınacaq.

Aprelin 17-də Mirnı kəndində 51 saylı məktəbdə yeniyetmə müəllimə hücum edib. O, lövhədə tapşırıq yazarkən 5-ci sinif şagirdi bel çantasından çəkic çıxarıb onun yanına gəlib və arxadan onun başına vurub. Zərərçəkmiş xəstəxanaya yerləşdirilib və ona yardım göstərilir.

Hücumdan sonra yeniyetmə məktəbi tərk edərək meşəyə gedib. O, videoya çəkilib.