Gürcüstana rekord sayda turist gəldi
Siyasət
14-10-2025 - 00:14
Bu ilin yanvar-sentyabr ayları ərzində Gürcüstana turist səfərlərinin sayı tarixi maksimuma - 4,3 milyona çatıb. Bu, ötən ilin eyni dövrü ilə müqayisədə 7,9 faiz çoxdur.
Ajans.az xəbər verir ki, bu barədə Gürcüstan Milli Turizm Administrasiyasının məlumatında deyilir.
Bildirilib ki, bu dövr ərzində beynəlxalq səyahətçilərin sayı 2024-cü ilin yanvar-sentyabr ayları ilə müqayisədə 5,4% artaraq 6,1 milyon nəfər təşkil edib.
Bundan əlavə, iyul-sentyabr aylarında rekord sayda beynəlxalq turist səfəri qeydə alınıb və 2 milyona (9% artaraq) çatıb.
