Alimlərdən ŞOK KƏŞF: Dəniz yırtıcısı AŞKAR EDİLDİ
Kanadalı paleontoloqlar Kembri dənizlərində yaşamış 506 milyon illik unikal dəniz yırtıcısı aşkar ediblər.
Ajans.az xəbər verir ki, bu barədə “EurekAlert” məlumat yayıb.
Yeni növ, mifik canavar Mothranın şərəfinə Mosura fentoni adlandırılıb və məşhur “Burgess Shale”də kəşf edilib.
Mosura insan barmağı boyda olub, üç gözü, üzükşəkilli ağzı, çivili caynaqları və yanlarında üzgüçü avarları var idi. Nəsli kəsilmiş radiodont qrupunun digər üzvlərindən fərqli olaraq, o, müasir həşəratların və xərçəngkimilərin quruluşunu xatırladan 16 seqmentli qeyri-adi “quyruğ”a malik idi. Bu, təkamül oxşarlığının gözlənilməz nümunəsi olub.
Tapılan 61 Mosura fentoni nümunəsindən birini “Burgess Shale” kəşf edən Çarlz Uolkotun özü toplayıb. Yeni nümunə bu ilin sonunda Vinnipeqdəki Manitoba Muzeyində nümayiş etdiriləcək.
©️ Materiallardan istifadə edərkən hiperlinklə istinad olunmalıdır.
